സന്ദേശം
ജില്ലാ പോലീസ് മേധാവി, മലപ്പുറം
മലപ്പുറം ജില്ലാ പോലീസിന്‍റെ വെബ് സൈറ്റ് സന്ദര്‍ശിച്ച എല്ലാവര്‍ക്കും എന്‍റെ ഹൃദ്യമായ സ്വാഗതം
അർപ്പണബോധത്തോടെയും സന്തോഷത്തോടെയുമാണ് മലപ്പുറം ജില്ലാ പോലീസ് ജനങ്ങളെ സേവിക്കുന്നത്. കുറ്റകൃത്യങ്ങളെയും കുറ്റവാളികളെയും ഫലപ്രദമായ നിയന്ത്രിക്കാന്‍ മലപ്പുറം പോലീസിലെ എല്ലാ ഉദ്യോഗസ്ഥരും കാര്യക്ഷമമായി പ്രവർത്തിക്കുന്നുണ്ട്. ആധുനികവൽക്കരണം, വിവരസാങ്കേതികവിദ്യയുടെ പരിചയപ്പെടുത്തൽ, മെച്ചപ്പെട്ട ട്രാഫിക് മാനേജ്മെന്‍റ് തുടങ്ങിയ വിവിധ സുപ്രധാന സംരംഭങ്ങൾ പൊതുജനങ്ങളുടെയും പോലീസിന്‍റെയും സൗകര്യാർത്ഥം അവതരിപ്പിച്ചിട്ടുണ്ട്. എല്ലാ മതത്തിലും സമുദായത്തിലും ജാതിയിലുംപെട്ട ആളുകൾ തികഞ്ഞ സൗഹാർദ്ദത്തോടെയാണ് മലപ്പുറം ജില്ലയില്‍ ജീവിക്കുന്നത്. പൊതുജനങ്ങളുടെ സജീവമായ സഹകരണവും പിന്തുണയുമില്ലാതെ പോലീസിന് കാര്യക്ഷമമായി പ്രവർത്തിക്കാനാവില്ലെന്നാണ് എന്‍റെ ഉറച്ച വിശ്വാസം. കുറ്റവാളികൾ, തീവ്രവാദികൾ, സാമൂഹിക വിരുദ്ധർ, സാമ്പത്തിക കുറ്റവാളികൾ, കള്ളക്കടത്തുകാര്‍ തുടങ്ങിയവർക്കെതിരെയുള്ള സന്ധിയില്ലാനിയമയുദ്ധം തുടരുന്നതായിരിക്കും. മലപ്പുറം പോലീസിനെ കാര്യക്ഷമമായ ഒരു സേനയായി ജനങ്ങളുടെ സേവനത്തിനായി സമർപ്പിക്കുന്നതിന് നിങ്ങളുടെ സഹകരണം ഞാൻ അഭ്യർത്ഥിക്കുന്നു.
ഏവര്‍ക്കും ശുഭദിനമാശംസിക്കുന്നു.
വിശ്വനാഥ് . ആര്‍ ഐ പി എസ്
ജില്ലാ പോലീസ് മേധാവി മലപ്പുറം
കേരളം
